ഇടം തേടി

നേരമേറെയായി
പറന്നുകൊണ്ടേയിരിക്കുന്നു
ചിറകൊതുക്കി
കാലുനിവര്‍ത്തി
ചുണ്ടു തുടച്ചുകൊണ്ടിരിക്കാനൊരിടമെവിടെ
അവസാനമവസാനം
ഒരാളെ കണ്ടു
അതൊരാളല്ല
ആയിരത്തിന് പകരം വെക്കാനൊരുവന്‍
തലയിലിടമില്ല
കുതന്ത്രത്താലത് തിളക്കുന്നു
ചുമലുകള്‍ പാപപങ്കിലം
മാനസം മലീനസം
ചരണചലനം പിന്നോട്ട്
കരവെള്ളയില്‍ ചോരക്കറ
ചുണ്ടില്‍ മധുപുരണ്ട വിഷച്ചോപ്പ്
ഒന്നു കിട്ടിയിരുന്നെങ്കില്‍
ഒരിത്തിരിയടമെങ്കിലും
ഒരിത്തിരി നേരത്തേക്കെങ്കിലും
ഇനിയുമകലങ്ങളിലലഞ്ഞിടാം
ഇരിക്കാനൊരിടം തേടി ഇനിയുമിനിയും.....